ترتيب المكياج

السلام عليكم ورحمه الله وبركاته ♥♥

اليوم حبيت أتكلم عن شيء كان مضايقني والحمدلله حصلت طريقة مناسبة اللي هو ترتيب المكياج ..

طبعا كلنا عندنا مكياج من الارواج والايلاينر و البلاشر و الاشياء الثانيه غير أدوات المكياج و كنت دائماً ودي ارتبهم بشيء واحد يعني أحيانا احصل أشياء صغيرة حلو شكلها ومرتبة بس ما تلم كل اغراضي و يجلس مكياجي شيء مرتب وشيء محطوط في الادراج وكل شيء بمكان بس بالاخير حصلت علبة عند ساكو وسعرها مره رخـيـص ب٥٠ ريال وتلم كل مكياجي ..

 العلبة يجي معها غطاء بس الأفضل انك تفكيه وهو أصلا ينفك يعني عادي علشان الأشياء الطويلة ما تقدري تسكي عليها فلازم تفكيه ..

وفيه فواصل يعني انتي تقسميه بالطريقة اللي تناسب اغراضك يعني مثلا إذا عندك ارواج كثيرة وبلاشر واحد  تخلي مكان اكبر للارواج ومكان صغير للبلاشر فيعني تقدري تتحكمي فيها ..