الأدوات ذات الجودة العالية تجلس مدة أطول ويصير استخدامها اسهل لو تم تنظيفهم كل فترة . لانه لما تجتمع مكونات المكياج في الفراشي لمدة طويلة تخلي الشعيرات اللي في الفراشي ما تتحرك فما تسوي وظيفتها بالتوزيع فيصير استخدامها صعب كما انها بتصير مكان لعيش البكتيريا وبتبدأ تسبب مشاكل لبشرتك زي الحبوب والحساسية . فلازم نحرص كل فترة انه ننظفها . طبعا فترة التنظيف تعتمد ع الاستخدام . اذا استخدامك للفراشي يوميا يفضل انك تنظفيها كل 3 أسابيع , اما اذ استخدامك لها للمناسبات فتطول الفترة ويفضل انه تنظف مرة كل شهر ..
ونقدر ننظفها بهذا الطريقة عشان نمنع انتقال البكتريا ونخلي عمرها يمتد لسنوات :
الغسل : نحط من الغسول ع الفراشي ونوزعه - تقدر تستخدم غسول زي شامبو الأطفال او غسول الوجه . بعدين حاولي تدخلي الغسول بين شعيرات الفراشاة بلطف , و وزعيها حتى يصير فيه رغوة ..
بعد الغسل , اشطف كل الغسول من الفرشاة . عن طريق وضعها تحت ماء دافىء او الضغط عليها مع الماء او انك تحطيها في اناء صغير وتفتحي عليها الموية لين ما كل الغسول يروح .
مهم جداً انك تنشفيها بعد ما تخلصي لانه الفراشي الرطبة بيئة مثالية لنمو البكتريا و الفطريات (كأنك يا أبو زيد ما غزيت ). جففيها بمنشفة او أي قطعه قماش واتركيها لتنشف. غالبا الفراشي تأخذ يوم كامل لتنشف ولكن هذا الشيء يعتمد على حجم الفراشاة ..
ليست هناك تعليقات:
إرسال تعليق