الباربين

السلام عليكم ورحمه الله وبركاته ♥♥♥♥

الباربين :هو مادة حافظة يستخدم في الطعام و المكياج و المستحضرات الصيدلية و منتجات العناية بالبشرة كـ المرطبات و الشامبو و جل الشاور و مزيل العرق  ..

مشتقات الباربين:

methylparaben, ethylparaben, propylparaben and butylparaben

الباربين مادة تخلي المنتجات تعيش لفترة طويلة بدون ما تخرب وما تسمح للبكتريا والجراثيم والعفن يعيش فيها ..

بس المشكلة ان الجلد يمتصها..

و العلماء اقترحوا انها قد تكون سبب في سلطان الثدي لانهم لما اخذوا عينات من المرضة وجدوا انها تحتوي ع الباربين بس هذا لازال اقتراح والى يومنا هذا ما في شيء مؤكد, كما انه كان في اقتراح ثاني هو انها تقلل الخصوبة ولكنها غير مثبتة ..

هناك من العوارض الاخرى والتي يمكن ان يسببها استخدام هذه المادة كزيادة الوزن والحساسية وإثارة البشرة وشيخوختها وبعض أنواع السرطان

ولم يوصِ الباحثون بالامتناع كليا عن استعمال هذه المادة، بل نصحوا بالتقليل قدر الإمكان من استعمالها قبل التأكد من حقيقة أثارها على الصحة البشرية في المستقبل ..

فمن الأفضل انك تقلل من المنتجات اللي ففيها هذا المادة

 او تاخذ المنتجات الخاليه من الباربين خاصة منتجات الأطفال.... 

http://www.livestrong.com/article/150690-what-are-the-dangers-of-parabens-in-skin-care/

http://www.webmd.com/breast-cancer/news/20120112/are-fears-that-deodorant-causes-breast-cancer-unfounded

http://www.thesoaphaven.com/soap-guide/parabens/

 www.e-sante.fr

لوشن بيوتي وذاوت كريلتي

السلام عليكم ♥♥

كلنا نعرف ان الترطيب شئ مهم للجسم بس يختلف كل لوشن عن الثاني من جهه الترطيب والنتائج وحتي الملمس وانا ادور حبيت اجرب ذا  اللوشن لان لقيت عليه مدح 

اللوشن مره اعجبني ترطيبه حلو وعميق بس هو بدون ريحه انا استخدمه مع زيت الافوكادو ويعطيني نتائج مره تجنن ونعومة للجلد ..

النعومة اللي يعطيني إياها مرررة فرق فخلاص هو صار من الأشياء الضرورية بعد الشاور  عندي ..

بدون زيت الافوكادو بيعطي نتائج عادية بس مع زيت الافوكادو جد يفرق وطبعا من اول يوم يبان الفرق ..

عن المنتج :

منتج نباتي , علاج للجسم واليد , 100% نباتي لا يحتوي ع منتجات الخنزير , معادل للرقم الهيدروجيني , خالي من البارابين, بدون رائحة , و غني بالمرطبات ..

حلو تضيف له  احد الزيوت العطرية .. انا اضيف له اللافندر علشان يعطيني  رائحة مع الترطيب.. اللوشن مغذي ومنعم ويحمي الجلد ومناسب لكل الجسم ..

هذا اللوشن يحتوي على زبدة الشيا  ,الجوجوبا و زيت الجوز و زيت الصبار لتنعيم و تجديد الخلايا للحفاظ على بشرة شابة و صحية ..

طريقة الاستخدام :

يوضع ع الجلد حسب الحاجة ,ولافضل النتائج يستخدم بعد الحمام ..

.

باث اند بودي وركس

 السلام عليكم ..

طبعاً كلنا نهتم برائحتنا وودنا دائم انها تكون حلوة بس أحيانا نطيح ع المنتجات الغلط اللي ما تعطينا الرائحة اللي تثبت او تسبب لنا بعض المشاكل ..زي استخدامنا للعطور على الجسم مباشرة او الشعر صح انها حلوة وتجنن وانا من محبين العطور أصلا بس انك ما تقدري طبعا ترشيها ع الجسم او الشعر , لانك لو رشيتها بتجيب لك الشيب او الحساسية , فعني انا افضل معطرات الجسم للاستخدام اليومي المباشر وما نهمل العطور طبعا .. 

وفيه منتجات شريتها من باث اند بودي وركس  وفرت لي ذا الشيء..

عندهم روايح تجنن ومرة متنوعة يعني اكيد بتحصلي اللي يعجبك , عندهم روايح فواكه وعطور واشكال العلب مررة تجنن . 

انا عني اعجبتني رائحة سكاي واخذت منه معطر الجسم واللوشن و جل الاستحمام ..

رائحة جل الاستحمام تكون في الحمام وابد ما تثبت فمرة ثانية ما اضن اني بشتريه وحتى ما حسيت انه يعطيني ترطيب او انتعاش يعني في منتجات ثانية تعطيك اكثر  .. سعره 60

اللوشن اول ما تحطيه رائحته حلوة وتثبت اكثر من الجل بس يعني لسه الرائحة مو ذاك الثبات القوي بس انه ترطيبه حلو ,, ماافكر اشتريه مرة ثانيه لانه اعرف منتجات ترطيبها افضل ..  سعره 60 

اما بالنسبة لمعطر الجسم فهو احلى شيء جربته رايحته حلوة وثابتها افضل من الأنواع الثانية فحلو يكون متوفر دايم عندك في البيت وتاخذيه للدوام اذا حبيتي وتستخدميه مع عطرك  .. سعره 80 

في كثير مدح ع زبدة الشيا فشفتها عندهم وحبيت اجربها بس للأسف كانت سيئة وابد مو بالمستوى المطلوب ..

استخدامات الشيا كثيرة ومعروفة بترطيبها و وتحل مشكله التشققات وكثير أشياء ثانية بس اللي اخذتها من عندهم ابد ما كنت كذا ..

يعني في فرق بينها وبين زبدة الشيا اللي اخذتها من ايهرب في السعر والكفاءة والفائدة ..

كيف تطلب من ايهرب ؟ مع كود خصم ..

السلام عليكم ♥♥♥♥

 اليوم حبيت أتكلم عن موقع ايهرب و اللي هو صيدلية بالأصل .

اهم مميزاته :

يتيح التوصيل العالمي ويوصل دايريكت للسعودية ويوصلونها لباب بيتك 

أسعاره مرة رخيصه مقارنة باللي هنا 

منتجاته طبيعية واغلبها خالية من المواد الضارة 

يردون على أي استفسار تبيه 

تقدر تحط العملة اللي تبيها وفيه الريال  

الدفع عن طريق الفيزا اللي موجوده في أي بطاقة بنك

نبدأ كيف تطلب من ذا الموقع :
اولا تدخل ع ذا الرابط  http://iherb.com/?rcode=KTG797

بتطلع لك نافذة اختيار اللغة والعملة والدولة وانت اختيار اللي يناسبك وبعدين اضغط البرتقالي اللي هو زر الحفظ  ..
انا في الصورة اخترت السعودية والعملة الريال واللغة انجليزية لانه للاسف ما يدعم العربي ..

بتطلع لك بعدين ذا الصفحة اللي هي صفحة الرئيسية وترجمت لكم الاقسام ..

بعدها ادخل القسم اللي انتي تبي تشتري منه  او تفضله ..

 بعدين بتختار المنتجات اللي تبيها عن طريق اضافتها للسلة , والا بتضغط ع المنتج اللي اعبجك لمعلومات زيادة ..







 وتقدر تعرف اذا متوفر او لا 

وبعدين اذا اعجبك بتضيفه للسلة عن طريق الضغط ع الزر البرتقالي اللي هو اضافة لسلة وتقدري تزودي الكمية بتغير الرقم  ..
اذا ضغطي ع الزر الرصاصي فانك بتضفيها لقائمة الاماني اللي هي الاشياء اللي اعجبتك بس تبي تشتريها بعدين وماراح تحصلها موجودة في سلتك ..

بعد ما تخلص وتتأكد انك اضفت كل المنتجات اللي تبيها افتح السلة وشيك ع كل منتجاتك للمرة الأخيرة

طبعا حاول تطلب كثير أشياء علشان يوقف عليك الشحن ارخص و كما انه في كود خصم  KHD889 يعطيك خصم 10 في المئة بس للطلب الأول وفيه خصومات ثانيه بعد بتطلع لك اذا زاد سعر طلبك عن 150 ريال وفيه خصومات أسبوعية تصير بتكون ع نفس سعر المنتج .. فاللافضل انك تجمعي كل طلباتك مرة وحدة ..  

وتقدر تحذف الشيء عن طريق الضغط ع remove 

وبعد ما تتأكدي وتخلصي اضغطي ع الزر البرتقالي لاكمال الطلب او ع الزر الرصاصي لترجعي للتسوق مرة ثانية ..

بعدها تختاري طريقة الشحن وانا افضل dhl لانهم الاضمن مع السعر الأفضل ..

  

  وبيطلع لك كم تكلفة الشحن .. وبعدها اضغطي ع الزر البرتقالي لاكمال العنوان ..

 بعدين اذا منت مسجل بيخليك تسجل ..

بعد ما تسجل وتخلص تملاء معلومات العنوان 

ولازم تكون كلها بالانجيلزي  ..  بتختار الشركة ..

بعدها بتكتب عنوانك ..

وبعدين تروحين لصفحة الدفع 

طبعا ممررة مهم انه يكون اسم اللي ع البطاقة نفسه الاسم اللي تحطيه بالعنوان ولا الشحنة ماراح تطلع لك الا اذا غيرتيه ..

واخر شيء تجيك صفحة المراجعه فيها كل شيء  أي شركة اختارتي والعنوان وبطاقة البنك والاغراض اللي طلبيتها 

وتضغطي place order ..  وخلصنا .. 

بس اذا غيرتي العملة للريال ضروري ترجعيها للدورلا بعد ما تخلصي ولا ما راح يتم طلبك وبقولك البطاقة فيها مشكلة ..
تعدليها من الزواية من فوق في اليسار جنب  iherb  اللي بالاخضر ..

لازم طبعا تفتحي الفيزا اللي غالبا مسكرة عن طريق تحميل تطبيق البنك او الاتصال بخدمة العملاء وبعد ما تخلصي طلبك سكيها 

.. 

تجربتي مع زيت الافوكادو

زيت الافوكادو ♥♥

انا من النوع اللي بشرتي دايم جافة واحط كريمات لها بس ما يعطيني ذاك الترطيب او يكون الترطيب بلحظتها وما يجلس معي

عاد حصلت مدح كثير على زيت الافوكادو في ايهرب وعن ترطبيه بس ابد ما توقعت انه ترطيبه كذا .. ترطيبه بان من اول يوم

عن المنتج:

١٠٠٪ زيت نقي , يدعم مرونة الجلد , غني بالعناصر المغذية/ مرطب , 

خالي من Expeller-Pressed and Hexane

يستخدم للجلد اللي بحاجة لترطيب , يمكن استخدامه مع زيت المساج ..

ويستخدم لفروة الرأس لتنعيم الشعر ,  لديها خصائص مضادة للإلتهابات يعني انه يقلل إحمرار البشرة ويهدئ البشرة ..

زيت رهييييب في الترطيب وترطيبه ملحوظ ..

فيه منه حجمين الكبير والصغير .. 

الحجم الصغير 118mL سعره  ٢٠ ريال , رابط المنتج :

http://sa.iherb.com/Now-Foods-Solutions-Avocado-Oil-4-fl-oz-118-ml/899

الحجم الكبير  473mL سعره ٤٦ ريال , رابط المنتج :

http://sa.iherb.com/Now-Foods-Solutions-Avocado-Oil-16-fl-oz-473-ml/43483

الافوكادو الطبيعي ( الفاكهه ) :

يمكن خلط الافوكادو المهروس مع العسل لعمل قناع للوجه في المنزل يوضع على الجلد و يشطف بماء دافئ حين يجف ..

يمكن استخدامه أيضا كقناع ترطيب للشعر , يرطب ويغذي اطراف الشعر عن طريق مزج صفار البيض مع زيت الزيتون مع فاكهة الافوكادو المهروسة في وعاء , عند الاستحمام يوضع على اطراف الشعر ويترك لــ دقيقتين قبل الشطف ..

يستخدم مرة او مرتين في الأسبوع لافضل النتايج ..

كيف تختارين زيتك

كيف تختار زيتك لما تروح سوبر ماركت او العطار او حتى لما تطلبيه من موقع ؟ انا عني اولا ما كنت اهتم بذا الاشياء , كنت اختار على الشكل بصراحة .. 
بعدين شفت باايهرب انه زيتوهم خالية من اشياء المضرة فحبيت اني اتوسع في ذا المعلومة وافيد نفسي وممكن افيديكم ..

اول شيء , فيه طريقتين لاستخراج الزيت من البذور و المكسرات والنباتات أولها اكسبلر برس ..

 وهذا صورة الالة Expeller pressed oil ..

طريقة عمل الاله :

فكرتها انك تطلع الزيت بالقوة من أي شيء ..

المسكرات البذور او الخضروات تنحط بين مسطحين ثاقيلين مصنوعين من المعدن , لما نشغلها بتبدأ تضغط ع الهدف اكثر واكثر وبسسب هذا الضغط بيبدأ يطلع لنا زيت , لحد هنا الزيت بيكون طبيعي ونقي  ولكن هذي الطريقة ما تعطينا كفاءة المطلوبة , يعني بدال ما نطلع ما نستخدم البذور 100% لنستخرج الزيت حنا نستخدم منها 75% مع افضل الالات ..

وقدرنا نحسن الانتاج مع استخدام الهكسان  "Hexane "

اللي هو مادة مسممه صرنا نقدر نطلع  90%  من البذور, وعلشان نتخلص من الهكسان لازم نسخن الزيت لدرجات حرارة عاليه اللي غالبا يخلي الزيت يغير نكهته اما زيت الزيتون يخسر نكهته كليا ..

 نجي لطريقة الثانية اللي هي كولد برسد " cold pressed "

باستخدام نفس الالة لكن بدال الهكسان  نخفض درجة الحرارة لتحت 40 درجة ..

  ..وهذا الطريقة امنة ومافيها مواد ضارة 

فأذا جيتي تختاري منتجاتك حاول تختارها  اكسلبربرسد بدون هكسان  او مع كولد برسد  ...

مرجع 1

مرجع 2

ترتيب المكياج

السلام عليكم ورحمه الله وبركاته ♥♥

اليوم حبيت أتكلم عن شيء كان مضايقني والحمدلله حصلت طريقة مناسبة اللي هو ترتيب المكياج ..

طبعا كلنا عندنا مكياج من الارواج والايلاينر و البلاشر و الاشياء الثانيه غير أدوات المكياج و كنت دائماً ودي ارتبهم بشيء واحد يعني أحيانا احصل أشياء صغيرة حلو شكلها ومرتبة بس ما تلم كل اغراضي و يجلس مكياجي شيء مرتب وشيء محطوط في الادراج وكل شيء بمكان بس بالاخير حصلت علبة عند ساكو وسعرها مره رخـيـص ب٥٠ ريال وتلم كل مكياجي ..

 العلبة يجي معها غطاء بس الأفضل انك تفكيه وهو أصلا ينفك يعني عادي علشان الأشياء الطويلة ما تقدري تسكي عليها فلازم تفكيه ..

وفيه فواصل يعني انتي تقسميه بالطريقة اللي تناسب اغراضك يعني مثلا إذا عندك ارواج كثيرة وبلاشر واحد  تخلي مكان اكبر للارواج ومكان صغير للبلاشر فيعني تقدري تتحكمي فيها ..